Vaovao
JIRAMA : Andrasana ao amin'ny Foibe Andekaleka ireo razana 3
Efa nentina ao amin'ny foiben'ny Jirama Andekaleka amin'izao fotoana ny nofo mangatsikan'ireo mpiasa miisa 3 izay nodimandry : Jacky, Julice ary Toky.
Maty tsy tra-drano noho ny lozam-pifamoivoizana an-dalam-by nahatsiravina nitranga teny amin’ny tobim-pamokarana herinaratra Andekaleka izy telo mirahalahy. Fifandonan'ny lamasinina sy ny fiara no nahatonga ny loza.
Tsiahivina fa ny JIRAMA no mandray an-tanana ny fikarakarana rehetra ireo naratra ary mivonona hanampy ny fianakavian'ireo niharam-boina.
Ny minisiteran’ny Angovo sy ny Akoran'Afo dia manantitrantitra ny maha zava-dehibe ny fanarahana hentitra ny toromarika momba ny fiarovana eny anivon'ireo tobin'ny JIRAMA ary handray ny fepetra ilaina hanamafisana ireo fiarovana efa misy.
