11ème Jeux des Iles de l'Océan Indien - 2023 : Fantatra ny Logo sy ny Hira Faneva
Efa eo am-panomanana tanteraka ny lalaon'ny nosy 2023 i Madagasikara. Natolotra tamin'ny fomba ofisialy androany ny Sary famantarana na logo, ary koa ny hira faneva.
Lanonambe no nandraisana ireo "identités" mikasika ny Jeux des Iles de l'Océan Indien andiany faha-11 teny amin'ny CCI Ivato. Nanotrona ny fampisehoana ny Logo sy ny Hira faneva imin'reo olo-manan-kaja maro , raha tsy hitanisa afa-tsy ny filoham-pirenena, ireo minisitra, ireo depiote, ny filohan'ny Commission Internationale des Jeux ary ireo mpilalao handray anjara.
Mitondra ny teny faneva hoe "Fandresena ao anatin'ny firaisan-kina sy ny fahasamihafana" ny sary famantarana. Singa telo moa no nandrafetana azy :
-Ny sifaka na "maki" na "lémurien de Madagascar, izay biby arovana sady mampiavaka ny nosy ;
-Ny tanana mifandray maroloko izay maneho ny firaisan-kina, ny firahalahiana sy ny maha-iray ;
-Ny fanahohezan-teny JIOI.
Manomboka izao dia ho tazana eny amin'ny haino aman-jery samihafa sy ny peta-drindrina ary ny fitaovana ampiasaina amin'ny lalaon'ny nosy ny sary famantarana. Ho re matetika ihany koa ny hira faneva izay manandratra ny kanto Malagasy sy ny "fandresena ao anaty firaisan-kina".
