Tafika anabakabaka : Nahazo angidimby hiaka farany, Airbus H130

Ampiasaina amin'ny asa ho an'ny fametrahana fandriampahalemana maharitra ataon'ny Tafika ity angidimby raitra ity. Ahafahana mamita iraka toy ny fitaterana ireo marary sy hiadiana amin’ny loza toy ny doro tanety ihany koa izy. Mahazaka olona 7 sy entana hatramin’ny 980kg ity angidim-by ity raha lanja anatiny, fa 1,5T kosa raha lanja ivelany. Notontosaina teny amin’ny Premier Bataillon Parachutiste Ivato ny sidina voalohany (vol inaugural). Natao "baptême de l'air" moa ilay angidimby, ka tonga teny an-toerana ireo fiaraben'ny mpamonjy voina nanampy tamin'ny fanatanterahana izany.
Betsaka ny ady tsy maintsy hatrehana sy ny fanatsarana tsy maintsy atao, hoy ny Filoham-pirenena Andry Rajoelina, tamin'ny lahateniny. Tsiahivina fa tena nanampy ny vahoaka malagasy ny fananan'ny tafika angidimny tamin'ny vanim-potoanan'ny Covid-19 sy ireo rivo-doza nandravarava teto amin'ny firenena.