Zazakely mikohoka amin’ny alina : inona no atao ?

Ireo antony mety mahatonga ny zaza hikohoka amin’ny alina

« Réflexe » ara-boajanahary ataon’ny vatana hiarovana ny taovam-pisefoana ny kohoka. Manampy amin’ny famoahana ny « mucus », ny « agents irritants » na ny « corps étrangers » izy io. Eo amin’ny zazakely, dia misy ireo anton-javatra sasany mampikohoka azy kokoa rehefa matory amin’ny alina, anisan’izany ny :
-Fatoriana mitsilany izay manamora ny fidinan’ny lelo mankany amin’ny tenda ka mampikohoka ny zaza ;
-Rivotra maina na ny efitrano fatoriana mafana be loatra dia manamaina ny « muqueuses » ka mahatonga ireto farany ho « sensibles » ;
-« Bronchiolite », « rhinopharyngite », « allergie », « reflux gastro-œsophagien ».
Amin’ny tranga sasany moa dia mety ho fambarana sohika eo amin’ny zazakely ny kohoka amin’ny alina. Miseho amin’ny koho-maina, tsy misy fanaviana, amin’ny alina ihany vao tena mitranga.

Ireo karazana kohoka eo amin’ny zazakely

Marihana fa misy karazany maro ireo kohoka eo amin’ny zazakely :
-Kohoka matavy na « toux grasse » izay miaraka amin’ny fisian’ny lelo na rehoka. Manampy amin’ny famoahana ny viriosy sy ny bakteria izy io ;
-Koho-maina na « toux sèche » izay « irritative ». Matetika izy io dia avy amin’ny « inflammation », sohika… ;
-« Toux rauque » na « aboyant » izay mety avy amin’ny « laryngite ».
Mila arahi-maso hatrany ireo soritr’aretina hafa mety miseho miaraka amin’izany, toy ny fanaviana, fahasahiranana miaina (respirer), malain-komana, fikorontanan’ny torimaso… Manampy amin’ny fandraisana an-tanana ny zaza ataon’ny mpitsabo ny fahafantarana ireo fambara ireo.

Ahoana ny hampitoniana ny kohoky ny zaza amin’ny alina ?

Misy ireo fihetsika tsotra manampy mba hampitoniana ny kohoka eo amin’ny zazakely :
Mampiasa « humidificateur d’air » na asiana rano avy nangotraka ao amin’ny efitrano fatoriana mba ho « humidifié » ny rivotra ao ;
Ampihevohana entona malefaka ilay zaza, izany hoe tsy atao mievoka mivantana eo amin’ny rano mamay fa ohatra trotrona ao anaty efitra kelikely mihidy nasiana rano mafana tsara misy entona ;
-Omena ronono na rano tsara, miankina amin’ny taonany, ny zaza mba ho « fluides » ireo « mucosités » ;
-Atao somary mivohitra ny loham-pandriana hatoriany, ohatra hoe asiana ondana kely ao ambanin’ny kidoro ;
-Diovina matetika amin’ny « sérum physiologique » ny orony, indrindra rehefa alohan’ny hatory ;
-Ferana ireo zavatra « irritants », toy ny setro-tsigara, vokatra fanadiovana ao an-trano misy akora simika, « acariens »…

Oviana no manantona mpitsabo ?

Mila entina any amin’ny mpitsabo avy hatrany ny zaza mikohoka amin’ny alina raha toa ka :
-Maharitra mihoatra ny 7 andro ny kohoka ;
-Latsaky ny 3 volana ilay zaza ;
-Misioka ny « respiration », mangana ny molotra, manavy ;
-Tsy mety misakafo na misotro rano ;
-Mandoa matetika rehefa avy mikohoka.