Ireo fahaiza-manao fototra tokony hampivelarina amin’ny taona 2026
Amin’izao taona 2026 izao dia tsapa miova haingana ny tontolon’ny asa noho ny fandrosoan’ny teknolojia, ny fifandraisana iraisam-pirenena ary ny fiovan’ny toe-karena. Eto Madagasikara, toy ny any amin’ny firenena afrikanina maro, mitondra fanamby sy fanararaotra (opportunités) vaovao izany fiovana izany. Mba hahafahana manararaotra ireto farany dia ilaina ny mampivelatra fahaiza-manao mifanaraka amin’ny zava-misy eto an-toerana.
Fifehezana ny teknolojia nomerika (na dia voafetra aza ny fitaovana)
Efa miditra amin’ny sehatra rehetra ny nomerika: varotra, fambolena, fanabeazana, tolotra. Na dia mbola sarotra aza indraindray ny fidirana amin’ny aterineto, dia zava-dehibe ny fahaizana mampiasa azy tsara.
-Fahaiza-manao ilaina:
-Fampiasana « smartphone » amin’ny asa,
-Fahaizana mampiasa Word sy Excel,
-Fampiasana tambajotra sosialy ho an’ny raharaham-barotra (Facebook, WhatsApp Business),
-Fahalalana fototra momba ny fiarovana amin’ny aterineto.
Maro ny Malagasy mahomby amin’ny varotra an-tserasera, na dia amin’ny sehatra tsy ara-dalàna aza indraindray.
Toe-tsaina mpandraharaha (entrepreneurial)
Noho ny tsy fahampian’ny asa ofisialy, lasa vahaolana lehibe ny famoronana asa ho an’ny tena. Tsy midika fotsiny hoe manangana orinasa izany, fa mahay mahita fanararaotra amin’ny zavatra manodidina.
Fahaiza-manao ilaina:
-Mamantatra ny filàna eo an-toerana,
-Mitantana vola kely,
-Mahay mivarotra,
-Mahay miovaova sy mifanaraka amin’ny zava-misy.
Ohatra: fanodinana vokatra eo an-toerana toy ny mangahazo, voankazo na zava-manitra ho lasa vokatra lafo kokoa.
Fahaiza-mifandray (communication)
Zava-dehibe ny fahaizana mifandray amin’ny olona, na amin’ny teny malagasy, na frantsay, na anglisy.
Fahaiza-manao ilaina:
-Fitenenana imasom-bahoaka,
-Fanoratana mazava,
-Fifampiraharahana,
-Fifandraisana amin’ny mpanjifa.
Amin’ny sehatra toy ny fizahantany, varotra na ONG, dia tena ilaina izany.
Fahaizana mifanaraka amin’ny toe-java-misy sy mahita vahaolana
Amin’ny toe-javatra izay mety ho voafetra ny fitaovana, ilaina ny fahaizana mamaha olana sy mitady vahaolana.
Fahaiza-manao ilaina:
-Famahana olana,
-Fahaiza-mamorona,
-Fahaizana miasa amin’ny fitaovana voafetra,
-Fahaizana miatrika ny tsy ampoizina.
Efa ananan’ny Malagasy betsaka io, fa mila hatsaraina sy ampiasaina tsara.
Fahaiza-manao teknika azo ampiharina
Mbola tena ilaina sy mitady olona ny asa teknika.
Sehatra ahitana fanararaotra:
-Fanorenana (maçon, électricien, plombier),
-Fanamboarana (finday, moto),
-Fambolena maoderina,
-Angovo azo havaozina (toy ny herinaratra avy amin’ny masoandro).
Afaka mampidi-bola haingana sy maharitra ireo asa ireo.
Fitantanana ara-bola fototra
Zava-dehibe ho an’ny rehetra ny fahaizana mitantana vola, na mpiasa na mpandraharaha.
Fahaiza-manao ilaina:
-Fanamboarana teti-bola,
-Fanaovana tahiry,
-Fampiasam-bola tsikelikely,
-Fanasarahana ny volan’ny tena sy ny volan’ny asa.
