Sakafo mahasoa ny atidoha : manampy amin’ny fiadiana amin’ny Alzheimer

Ny « oméga-3 » : tsara ho an’ny fitadidiana

Ny « acides gras oméga-3 », indrindra ny « acide docosahexaénoïque (DHA) », dia singa lehibe mandrafitra ny « membranes » an’ireo selan’ny atidoha. Manana fiasa « anti-inflammatoires » izy ireo ary mitanga anjara lehibe amin’ny fifandraisan’ireo « neurones ». Manampy betsaka amin’ny fikoloana ny fitadidiana izy io. Anisan’ireo sakafo be « oméga-3 » ny trondro matavy, ny « noix » sy ny « graines », ny menaka zavamaniry toy ny « huile de lin » sy ny « huile de colza ».

Ny « antioxydants » : miaro amin’ireo « radicaux libres »

Marefo tokoa ny atidoha manoloana ny « stress oxydatif ». Ny « antioxydants » dia manampy amin’ny fiadiana amin’ireo « radicaux libres » izay mety manimba ny « cellules nerveuses ». Anisan’ireo sakafo mitahiry « antioxydants » amin’ny tahany ambony ny « baies », toy ny frezy sy ny voarohy noho izy ireo manankarena « flavonoïdes ». Ireto farany moa dia manatsara ny fitadidiana sy ny fiasan’ny atidoha. Be « antioxydants » ihany koa ny legioma raviny maitso toy ny « épinards » izay be vitamina E, vitamina K sy « lutéine ».

Ny voamaina sy ny « grains entiers »

Ny voamaina sy ny « grains entiers » dia mampidana sy mandanjalanja ny famokarana « glucose » izay tena ilain’ny atidoha. Ankoatra izay dia manankarena fibra izy ireo ka manampy amin’ny fandrindrana ny tahan’ny siramamy ao anaty rà ary mikolo ny « microbite intestinal » izay misy ifandraisana betsaka amin’ny fahasalaman’ny atidoha. Ny vary mena, « lentilles », « avoine », « pain complet »… no mitahiry azy ireny.