Fahasalamana : ireo vokatsoa azo avy amin’ny fihinanana voam-boatavo

Voam-boatavo : mitondra otrikaina maro ilain’ny vatana

Ny voam-boatavo dia manankarena « magnésium », « zinc », « fer » ary « cuivre ». Mitahiry « antioxydants » toy ny « manganèse » izay manatsara ny fahasalaman’ny taolana, miady amin’ny rarintsaina sy manome hery ihany koa izy ireny. Ankoatra izay dia mitondra « acides gras essentiels » sy proteina izay tsara ho an’ny fo sy ny « équilibre » ihany koa ny voam-boatavo. Mbola maro ireo vokatsoa azo avy amin’ny fihinanana voam-boatavo ka anisan’izany ireo zaraina manaraka ireto.

Manampy amin’ny fikoloana ny fahasalaman’ny « prostate » sy ny « sytème urinaire »

Isan’ny vokatsoa azo avy amin’ny fihinanana voam-boatavo ny fikoloana ny fahasalaman’ny « système urinaire » sy ny « prostate ». Manana fiasa « diurétique » tokoa mantsy izy io ka mampitombo ny habetsaka sy ny hatetiky ny fivalanan-drano. Noho izany dia manampy amin’ny fiadiana amin’ireo « infections de l’appareil urinaire », indrindra eo amin’ny lehilahy. Mandray anjara amin’ny fampitoniana ireo soritr’aretin’ny « infections urinaires » sy ny « hypertrophie bénigne de la prostate » ihany koa izy ireny. Marihana kosa nefa fa tsy mahasolo ny fanafody fitsaboana ny « cystite » na ny « prostate » ny voam-boatavo fa manohana fotsiny ihany ny fitsaboana.

Manatsara ny fandevonan-kanina

Noho izy ireo manankarena « fibres mucilagineuses » dia mandrisika ny « satiété » (fahatsapana voky) sy manatsara ny fandevonan-kanina ny voam-boatavo. Mihatsara ny « transit intestinal » nohon’ny fiasany « laxatif » ara-boajanahary. Satria moa mitahiry « zinc » sy « sélénium » ny voam-boatavo dia afaka manampy amin’ny fandiovana ny aty ihany koa izy ireo.

Mampitony ireo soritr’aretin’ny « ménopause »

Afaka manampy amin’ny fampitoniana ny soritr’aretina sasan’ny « ménopause » ihany koa ny fihinanana voam-boatavo. Anisan’izany ny « bouffées de chaleur » sy ny fikorontanan’ny torimaso. Ny vitamina sy ny mineraly hita ao anatin’izy ireny dia manampy amin’ny fandrindrana ny hormonina sy ny fampihenana ny toe-javatra manelingelina mandritra io fotoana fiovan’ny toe-batan’ny vehivavy io.

Ny fomba fihinanana ny voam-boatavo

Mba hisitrahana ireo vokatsoa entin’ny voam-boatavo dia tsara raha mihinana azy ireny 1 sotro fihinanana isan’andro, izany hoe tokony eo ho eo amin’ny 10 g eo. Hoanina manta izy io, afaka totoana kely na tsakoana miadana. Tsy azo hoanina be loatra ny voam-boatavo noho izy be fibra ka mety hampangotika kibo.